|
| |
Wim
Postma "Markante"ondernemer.
Kijk hier voor eervolle vermeldingen.
 Met
zorg wordt uw gerecht bereid.
It
geheim fan restauranthâlder Wim Postma
Wis
Fryslâns meast markante hoareka-ûndernimmer
fan 2008/2009.im Postma fan restaurant ’t Stasjons
Kofjehús yn Molkwar De ferkiezing is in sektorbrede
priis en wurdt organisearre yan gearwurking mei it
fakblêd Horeca Entree. Fan ’t hjerst sil út de tolve
provinsjewinners de
meast markante hoareka-
ûndernimmer fan Nederlân keazen wurde. Postma
syn geheim?
‘It
kontakt dat ik mei de gasten ha.’
Dat Wim Postma
(47) in markante man is, kin de
gasten fan restaurant ’t Stasjons Kofjehús min
ûntgean. Sadree’t se it hiem opkomme fan it
restaurant - dat lyk neist stasjon Koudum/Molkwar
leit - wurde se meinommen yn de wolk fan
entûsjasme dy’t Postma opropt. Entûsjasme dat ek
steefêst trochskimeret
as Postma oan de túntafel
op it eigen terras oer syn wurk fertelt. Sûnt juny
2000 is Postma eigener en sjef-kok fan ’t Stasjons
Kofjehús, dat hy en syn frou Sippie doedestiids
sels bouwe litten ha. Postma: ‘Ik woe perfoarst
hjir bouwe, want dit is no ienris in daalders plakje.
Wy sitte midden yn it griene Fryske wetterlânskip,
ticht by De Fluezen en Molkwar. De guozzen komme
alle dagen oer, om’t wy persys yn har fleanrûte sitte.
Moaier is der dochs net? Ik bin hjir op myn plak en
dat bring ik oer op de gasten. Ik besykje in bining I
mei har te krijen, troch in praatsje te meitsjen en
goed te lústerjen. En fansels safolle mooglik oan
har winsken te foldwaan. At se no in simpele snytsel
ha wolle of bakte moksels op syn Portugeesk, my
makket it neat út, at se mar genietsje. Dat is tink
ik de kearn fan myn wurkwize.'
Fleksibel
No - sa’n njoggen jier letter - hat dy wurkwize dus
de priis fan meast markante hoareka-ûndernimmer
fan Fryslân oplevere.In ûnderskieding dy’t de sjef-
kok nei eigen sizzen te tankjen hat oan syn unstelling.
Hy komt út in ‘Boergondysk’ gesin dêr’t se net fan
– sa’t Postma it sels neamt – geskyt hâlden.
Gewoan wat noflik wêze en jin fleksibel opstelle,
dat wie it motto sa’n bytsje. In ynstelling dy’t Postma
meinommen hat. Sa wegeret er om altyd mar rekken
te hâlden mei de finansjele kant fan syn ûndernimming.
‘Ik doch dingen op it gefoel. As ik wit dat minsken hjir
komme nei’t se in middei te fytsen west ha, dan sykje
ik foar har krekt in wat grutter stik fleis út. Wolle se
ekstra grienten of in oar sauske? Gjin probleem. Dy set
ik net op de rekken. Lêsten ha ’k in gesin mei toarstige
bern in kanne mei limonade ferkocht. At se hieltyd fris-
drinken bestelle moatte, binne se in fermogen kwyt.
Ik fyn dat jo fleksibel wêze moatte yn sokke dingen.
Op dat stuit kostet it jo jild, mar op langere termyn
leveret it wat op, want dy minsken komme wer. Dy kassa
komt fansels wol, at jo mar in goed kontakt opbouwe
mei de gasten.’
 
Lyts ympearium
Sûnt twa jier kinne gasten yn Molkwar ek in itensieders-
workshop
krije. Postma liet dêr spesjaal in ‘Kookcafé’
foar bouwe. In foarsjenning dêr’t er nei eigen sizzen op
in stuit net mear om hinne koe. ‘De gasten kamen
gauris by my yn ’e keuken te sjen. Dat wie fansels wat
de hygiëneregels oangiet net sa handich.
Dêrom ha wy
it Kookcafé betocht. Groepen kinne dêr mei my itensiede
en tagelyk in drankje drinke.’ Fierder hat it Kofjehús
noch in kelderseal mei in bar en in biljert- anneks
fergadertafel, en it Knipcafé. Dat lêste is de kapperssaak
fan sus Marjan dy’t
dêrmei de âlde tradysje fan de
barbier yn it kafee yn eare hâldt. Nettsjinsteande dat
lytse ‘ympearium’ hat Postma noch hieltyd plannen foar
útwreiding. Sa binne der ideeën foar lytse apparte-
mintsjes op it stik lân achter it Kofjehús.
Postma: ‘In part fan it lân dat dêr leit, is al fan my, mar
foar de
bou fan de appartemintsjes soe ik eins noch in
stik ha moatte.
At dat slagget, sette wy de bou seker
troch.’ Fierder hat de
restauranthâlder noch it foar-
nimmen om in soarte doalhôf op te setten. Oanlieding
dêrfan is dat Molkwar foarhinne yn ’e folksmûle
ek wol
it Fryske doalhôf neamd waard. It doarp bestie doe
foaral
út wetter, pôltsjes en brechjes.
Postma is dúdlik net bang foar de takomst. En dat wylst
it
tsjintwurdich mei alle regels net maklik wêze moat
om hoarekaûndernimmer te wêzen. In hypoteze dêr’t
Postma foar in part yn meigean kin. ‘Wy ha op it heden
net it maklikste fak, mar ik bin
in optimist en lit my net
fan ’e wiis bringe troch de wet. Regeltsjes binne
regeltsjes en dêr ha wy ús safolle mooglik oante
hâlden.
Ik ha it gelok dat ik foarhinne altyd as kok yn in
âldereintehûs en it Snitser sikehûs wurke ha. Yn de
ynstellingswrâld waard altyd al in soad op de regels
hammere. Dat in protte saken binne by my al
automatisme.’
Fryslân
meets Itaalje
Ferskate
gerjochten op de kaart fan ’t Stasjons Kofjehús
binne ynspirearre
op de Toskaanske keuken, al wurde se
wol makke mei Fryske yngrediïnten. Tsien jier lyn gongen
Postma en syn frou foar it earst
op fakânsje nei Itaalje,
sûnt dy tiid binne se sljocht op dat lân. De
Toskaanske
keuken – ‘in boerekeuken dêr t iten sean’ wurdt mei
simpele
middels’ – spruts Postma oan en dat is werom te sjen
op de
menukaart. Gasten kinne yn Molkwar as neigesetsje
bygelyks sûkerbôle
mei olive-oalje bestelle.
Postma
syn passy foar Itaalje is net folslein tafallich, want
sun beppe
har woartels lizze yn dat Súdeuropeeske lân.
De sjef-kok hat dus
sels ek in swymke Italjaansk bloed,
in konklúzje dy’t faaks te
ferbinen is mei Postma syn echte
geheim. Want dat
markante, is dat net gewoan Italjaansk
temperamint?
Ferkiezing
De
ferkiezing ‘Meest Markante Horecaondernemer’ is in
sektorbrede priis en
giet út fan ûndernimmersorganisaasje
Keninklike Hoareka Nederlân
en it fakblêd Horeca Entree.
Foar de priis komme hoarekaûndernimmers
yn oanmerking
dy’t útblinke yn har fak en har op positive
wize ûnderskiede
fan kollega’s. De kandidaten foar in ‘Markant’
wurde foar-
droegen troch kollega-ûndernimmers of organisaasjes
en
bedriuwen dy’t belutsen binne by de hoarekasektor.
De meast
markante hoarekabaas fan Fryslân is keazen út
fjouwer nominearre persoanen:
- Auke Kooistra, kafee Het Graauwe Paard, Aldebiltsyl (kategory drinken);
- Eddy
de Boer, WeidumerHout, Weidum (kategory rekreaasje);
- Harry Wester, Hotel Seeduyn, Flylân (kategory sliepen);
- Wim
Postma, restaurant ’t Stasjons Kofjehús yn Molkwar (kategory iten).
Út:
No Gastfrij Fryslân/ in útjefte fan de Afûk. Auteur Marrit de Schiffart.
Kijk hier voor eervolle vermeldingen.
|
